پەیاکردن تەرم پیاویگ کوشیاگ و دراوردن تەرم خنکیاییگ لە عراق
2021-05-21T11:12:53+00:00
شەفەق نیوز/ سەرچەوەیگ ئەمنی وەرپرس، ئمڕوو جمعە، خەوەردا ک هێزیگ ئەمنی تەرم پیاویگ نەناسریاگ پەیا کرد لە ناو یەکیگ لە مەیدانە چووڵەیل ناوچەی نەهرەوان لە بەغداد پایتەخت فڕە دریاگە.
سەرچەوەگە ئەرا ئاژانس شەفەق نیوز وت: تەرمەگە شوین گولە لەسینەی بوی.
هەرلیوا، سەرچەوەیگ خۆجێیی لە سەڵاحەدین، ئمڕوو جمعە، خەوەر لە خنکانن گەنجیگ لە دەورگرد قەزای بەلەد دا.
سەرچەوەگە ئەرا ئاژانس شەفەق نیوز وت؛ گەنجیگ لە تەمەن ١٧ ساڵان لەناو چەم ئیسحاقی لە دەورگرد قەزای بەلەد خنکیا.
وتیش؛ مەلەوانەیل تەرم خنکیایەگە دراوردن و وەرەو پزشک دادوەری بردنەی.
