پەیاکردن تەرم کابرایگ لە دوزخورماتو کە ماوەی سێ رووژە دیاری نییە
2025-06-21T08:23:53+00:00
شەفەق نیوز/ ئمڕوو شەممە، تەرم گەنجیگ 18 ساڵان پەیاکریا لە نزیک چێشتخانەی باخرە لە قەزای دوزخورماتو لە خوەرهەڵات پارێزگای سەڵاحەدین، لەدویای سێ رووژ لە دیار نەمانی لە بارودۆخ نادیاریگ.
سەرچەوەیگ ئەمنی وە ئاژانس شەفەق نیوز خەوەردا، گەنجەگە ماوەی سێ رووژە دیاری نییە، کەسوکاری مەزەنەکردنە کە رفیاگە، دیاریکرد دەزگایەیل ئەمنی لێکۆڵینەوە وازکردنە ئەرا چۆنیەت تاوانەگە و ناسنامەی تاوانبار.
ویش، تەرمەگە ئاسەوار ئەزیەتداین هالەقیەو و ئەرا پزیشک دادوەری کلکریاس تا رێکارەیل یاسایی وەربگیرێد.
