پەیاکردن بازی لاستیکیگ لەناو ریخەلوو گەنجیگ عراقی

شەفەق نیوز/ فەرمانگی تەندروسی نەجەف، ئمڕوو جومعە، راگەیان کارمەندەیل پزیشکی توەنستنە بازی پلاستیکیگ دەربکەن ک زەرەد وە ریخەلوی گەنجیگ 28 ساڵان رەسانیە.

تەندروسی نەجەف ئمڕوو لە بەیاننامیگ راگەیان، ئەو کارمەندە پزیشکەیلە فریاکەفتن شار سەدر پزیشکی کار کەن سەرکەفتی بوین لە قوورتارکردن ژیان بیماریگ خاوەن پێداویستی تایوەت تەمەن 28 ساڵان ک تویش نیشانەیل بەسان  ریخەلوی ببوی.

دکتۆر محەمەد رەزاق پسپۆر نەشتەرگەری گشتی لە بەیانیگ ئمڕوو راگەیان" لە دویای ئەنجامدان وشکنین دەرچگە تویش حالەتیگ سەخت بویە لە زگی ک پیشبینی تەقین ریخەلوی کریا".

ئاشکەرایکرد، " لە دویای نەشتەرگەری و وازکردن زگی مینەکردن ئەرا دەسنیشانکردن حالەتەگە دەرچگە کونای گەپیگ هالە ریخەلوی باریکەی  وەگەرد لکیان و پیسبوین  بۆشایی زراوی".

وتیش، بەشیگ لە ریخەلوی لاوریا وەگەرد دوارە لکاندنی و پاکەوکردن ‌ناوزگی، بازیگ لاستیکی پەیاکریا ک بیمارەگە قوتی دایە ک بویەسە هوکار کونای گەپیگ لە ریخەلوی دووپاتکرد نەشتەرگەریەگە وە سەرکەفەی ئەنجام دریاگەو تەندروسی بیمارەگە فرە خاسە.