ئاگر "ژوور دۆسیەیل" لە کۆمەڵەیل جفتیاری لە بەغداد سزنێد

شەفەق نیوز- بەغداد

سەرچەوەیگ ئەمنی، ئمڕوو دووشەممە، خەوەر دا کە ئاگریگ "ژوور دۆسیەیل" لە کۆمەڵەیل جفتیاری لە باشوور خوەرهەڵات بەغداد سزان.

 سەرچەوەگە ئەرا ئاژانس شەفەق نیوز وت، کە تیمەیل وەرگری شارستانی تۊنستن کۆنترۆڵ ئاگریگ بکەن کە لەناو ژووریگ چزوین هیز گرد کە وەک شوینیگ ئەرا پاراستن دۆسیەیل وەکار تیەێد، لەناو جەمەلۆنیگ کە گلەو خوەێد ئەرا یەکێتی گشتی کۆمەڵەیل جفتیاری لە ناوچەی گەڕەک وەحدە سەر وە نەهرەوان.

 سەرچەوەگە دیاری کرد کە ئاگرەگە ئەنجام دا وە سزیان ژوورەگە وە تەواوی، لە وەختیگ لێکۆڵینەوەیگ واز کریا ئەرا زانستن بندروس رویداوەگە.