ئاگر وئاو و کۆنکرێت.. شەفەق نیوز توومار ناڕەزایی لەبان کاندید چوارچیوە کەێد.. وینە و ڤیدیۆ
شەفەق نیوز/ کامیرای ئاژانس شەفەق نیوز، ئمڕوو چوارشەممە، توومارکردن ئەو خوەینشاندانە کرد ک لە مەیدان تەحریر ناوڕاس بەغداد پایتەخت دەسوەپی کرد، لە ناڕەزایی لەبان کاندیدکردن محمد شیاع سوودانی لەلایەن چوارچیوەی هەماهەنگی.
ئاژانس شەفەق نيوز وەڕی پەیامنێری ک لە مەیدان تەحریر بڵاو بوینە، وە وینە و ڤیدیۆ تایبەت وەخوەی ئەو خوەینشاندانە توومار کرد ک ئیوارەی ئمڕوو لەبان کاندیدکردن محمد شیاع سوودانی لەلایەن هیزەیلیگ شیعە وەناو چوارچیوەی هەماهەنگی ئەرا سەرۆکایەتی وەزیرەیل دەسوەپی کرد.
مەیدانەگە کەفتە ژیر ناڕەزایی فرەی لە رەوت سەرد لەبان کاندیدکردن محمد شیاع سوودانی، وە بەشداریکردن رەوتەیلیگ ناڕەزایلیگ تریش، باوجی دروشم و سروودەیل سەدریەیل لەبان گشتی زاڵ بوی،
کامیرای ئاژانس شەفەق نیوز وەگەرد ناڕەزایل گەردێد ک رەسینە دەروازەیل ناوچەی خەزرا، دویای رمانن پارچەیل کۆنکرێتی ئەرا وەناوچگن ناوچەگە، ک ماشینەیل (وینش) وەکار هاوردن ئەرا لاوردن ئەو کۆنکرێتەیلە، و هیزەیل ئەمنی ئاو و بومب دویکەڵ ئەرایان وەشانن، تا ئەو ناڕەزایلە دویرەو بخەن.
