ئاگر پێشانگایگ ماشینەیل لە بەغدا سزنێد و زەرد گەپیگ رەسنێد.. وینە
2026-06-29T10:12:19+00:00
شەفەق نیوز ـ بەغداد
سەرچەوەیگ ئمنی، ئمڕوو دووشەممە، خەوەردا لە هیزگردن ئاگر لەناو گەراجیگ سەر وە پێشانگایگ ماشین لە ناوچەی نەهزە ناوڕاس بەغدا.
سەرچەوەگە وە ئاژانس شەفەق نیوز خەوەردا، بلویزەی ئاگر و دویکەڵ لەناو گەراجەگە بەرزەوبویە، بڕیگ ماشین وە مدوو ئاگرەگە زەرد گەپیگ وەپییان رەسیە.
دیاریکرد، تیمیگ لە وەرگیری شارستانی توەنستن ئاگرەگە کپەوبکەن، دووپاتکرد لێکۆڵینەوە لە رویداوەگە وازکریاس.
