ئاژانس شەفەق نیوز وەگەرد بازیەیل تووپان خەلیج گەردێدە بەسرە
کامیرای ئاژانس شەفەق نیوز گەردیە شار بەسرە، و ژیان مەردم لەسای کەشوهەوای خەلیجی ٢٥ و شیوەی رەفتاریان وەگەرد زاقترین رویداو لە عراق و خوەشییان وە پاڵەوانیەگە توومار کرد ک دەسخوەشی فرەیگ وەخوەی دی.
لە کناراو شەت عەرەب سندیباد (هێما و تەوەڕک) پاڵەوانیەگە وسیاگە، و بڕیگ ژن نووڕنە ئەو ناوە، پیاویگ وەپی دیارە ک خەلیجیە وسیاگە تا وینەیگ ئەرا یادگاری بگرێد، شایەت لە بانان ئەرا نەوەیلی بمینێد.
لە سەرەتا رخیگ لەلای خەلیجیەیل بوی، باوجی پیشوازیکردن خەڵک بەسرە هیشت عەرەب دووارە بەسرە بناسن، ک هەنای وتن: «چەویگ جی و چیەویگ پەتو» و «شوین داکاسیان وە پەتی» خانەدانی عراقیەیل لە پیشوازیکردن میوانەیل نشان دا، و رخ میوانەیل گوما کرد، تا دی فرە لەلیان وە ماشین خوەیان تیەنە تەماشاکردن بازیەیل و لەناو بازاڕەیل جەماوەری گەردن و هەمیش لە شەت عەرەب.
دیارە پاڵەوانی خەلیج بویە هوچان و دڵخوەشییگ ئەرا خەڵک بەسرە، ک کامیرای ئاژانسمان ئەو رەفتارەیلە و ئەو ژیانە توومار کرد ک وەگەرد ئی پاڵەوانیە ئاڵشت بوی، و بەشیگ لە تاوانییان لە هویر بردن، تا بکەفنە ناو کەشوهەوایگ ک یە دەیان ساڵە نیەسەی.
