ئه‌فسه‌ريگ عراقى دوياى ده‌سدريژى له‌بان خوه‌ندنكاره‌يل له به‌غدا ده‌سوه‌سه‌ر كريا
2019-11-18T18:11:34+00:00
شه‌فه‌ق نيوز/ قسه‌كه‌ر وه‌ناو فه‌رمانده‌يى هاوبه‌ش ئاشكراى ده‌سوه‌سه‌ركردن ئه‌فسه‌ريگ عراقى كرد دوياى رويداين ناكووكى وه‌ل خوه‌ندكاره‌يل له به‌غدا.
له‌و باوه‌ته‌و، عه‌ميد يه‌حيا ره‌سول له به‌ياننامه‌يگ وت: ئه‌فسه‌ريگ ك فه‌رمانده‌ى ئه‌و هيز وه‌رپرس بويه ك ناكووكى وه‌ل خوه‌ندكاره‌يل ئه‌نجام داگه له‌ناوچه‌ى مه‌نسور ده‌سوه‌سه‌ر كرياگه وه‌ل سه‌ربازيگ و رێ وشوونه‌يل ياسايى ده‌رهه‌قيان وه‌رگرتيمنه.
ره‌سول هه‌ميش وت: جه‌خت له‌وه ئه‌كه‌يم ك ئى ره‌فتاره ته‌كڕه‌ويانه بويه‌و قه‌بول وه هويچ ده‌سدريژييگ ناكه‌يك له‌بان رووڵه‌يلمان له خوه‌ندكاره‌يل و برايه‌يل خوه‌ينيشانده‌رمان.
https://youtu.be/Z5GMZkmGrXo
