30 ملیۆن کیلوگرام.. بڕ هاوردەیل عراق لە گوشت هیندی لە نیمەی یەکەم ساڵ
شەفەق نیوز - بەغدا
بەهای هەناردەیل هیندستان لە گوشت مانگا بەسیاگ ئەرا عراق رەسیە نزیکەی 123 ملیۆن دۆلار لەماوەی نیمەی یەکەم ساڵ 2026، کە دابەش بویە لەناوەین 60 ملیۆن دۆلار لە چارەک یەکەم و 63 ملیۆن دۆلار لە چارەک دویەم، وەپای زانیارییەیل نەخشەی بازرگانی بان ناوەن بازرگانی ناودەوڵەتی.
زانیارییەیل کە ئاژانس شەفەق نیوز ئاگاداری بوی دەرخس کە بەهای هەناردەیل وە بڕ 3 ملیۆن دۆلار لە چارەک دویەم بەرزەو بویە بەراورد وە چارەک یەکەم، وە رێژەی ئوزەڵکردن 5%، لە وەرانوەر داوەزیان بڕ هەناردەکریاگ لە 16 ملیۆن کیلوگرام لە چارەک یەکەم ئەرا 14 ملیۆن کیلوگرام لە چارەک دویەم.
وەی جویرە، کوو بڕ گوشت مانگا بەسیاگ کە هیندستان ئەرا عراق هەناردەی کردیاس رەسیە 30 ملیۆن کیلوگرام لەماوەی نیمەی یەکەم ساڵ ئیسە، وە داوەزیانیگ وە بڕ دو ملیۆن کیلوگرام لە چارەک دویەم، وە رێژەی داوەزیانیگ کە رەسیە 12.5% بەراورد وە چارەک یەکەم.
