کوشتن کابرایگ لەناو پەرستگای سیخی لە هیندستان  

شەفەق نیوز/ پۆلیس هیندی وت: پیاویگ  لە شار ئامریتسار گومان پیسکردن یەکیگ لە شۊنەیل پیرووز لەلای سیخەیلە، دەس لەلی وەشیاگە تا مردن.             

میدیایل هیندی باس کردن ک رووداوەگە لەمەوقەی خوەنین نماز لە پەرستگای تەڵایی شارەگە، دۊیەکە شەممە بۊیە.       

راپۆرتەیلە وتن گوایە پیاوەگە پەرد بۊیەسە ناو پەرستگاگە ک لەو شۊنە کتاو پیرووز ئاین سیخی هەس.       

راپۆرتەیلە وتنیش: کابراگە خوازێە دەس بەێدە قەی شمشیرە پیرووزەگە لەشان کتاوەگە، باوجی مەردمەگە خەریک نماز خوەیان بۊینە.    

و تا ئیسە ئاشکرا نەۊیە چە لە پشت ئەو دەسوەشاینە تا مردن ئەو کابرا بۊیە، باوجی پۆلیس تەرمەگەی لەو پەرستگا پەیا کرد.