کوشیان پولیسیگ و زەخمداری 3 کەس وە پەلاماریگ چەکداری وەبان دەوریەیگ ئەمنی لە ئیران
2026-04-29T09:04:21+00:00
شەفەق نیوز ـ تەهران
ئاژانس ئیرانی تەنسیم، ئمڕوو چوارشەممە، خەوەردا لە کوشیان پولیسیگ و زەخمداری سێ کەس ترەک لە پەلاماریگ چەکداری کە دەوریەیگ ئەمنی لە شار زاهدان باشوور خوەرهەڵات ئیران گردە ئامانج.
ئاژانسەگە وت: "چەکدارەیل ئمڕوو شەوەکی تەقە لەدەورەیل ئەمنی کردنە کە هەڵسیانە وە ئەرکەگەیان لە شار زاهدان، ناوەن پارێزگای سیستان بلوچستان".
وتیش: " پەلامارەگە بویە مدوو مردن رەقیب یەکەم (محەمەد رەزا نیزام دۆست)، و لە هەمان وەخت سێ کەس لە ئەندامەیل دەوریەگە زەخمداربوین".
دووپاتکرد "هێزەیل ئەمنی دەس کردنە وە ئۆپراسیۆن گەردین و وەدویاچگن ئەرا دەسگیرکردن ئەنجامدەرەیل پەلامارەگە"، و دیاری کرد "لێکۆڵینەوەیل هێمان وەردەوامە و دویاتر وردەکاری زیاتر بڵاو کریەێد".
