کوشیان و زەخمداری ٦٧ کەس وە کەفتن پاسیگ لە هندستان
2023-05-30T09:33:59+00:00
شەفەق نیوز/ دەیان کەس لە سەردانکەرەیل پەرستگای ماتا فایشنو دێڤی هندۆس، گیانیان لەدەس دان، و فرەیان خەڵک ویلایەت بیهار بوینە، و ٥٧ کەسیش زەخمدار بوین، لە ئەنجام کەفتن پاسیگ دووقاتی، ئمڕوو سێشەممە، دویای ئەوە ک وەبان ری تەسکیگ رەد بوی، و داگە تەیمانەی پیەڵیگ لە ناوچەی جاموو، و لەریەگە دەرچگ و کەفتە خوار، وەگورەی قسەی ئاژانس خەوەری پڕس ترەست ئۆف ئیندیا.
ئاژانسەگە لە ژوان شاشی سودان وەڕیەوبەر خەسەخانەی کولێژ پزشکی حکومەتی وت: شمارەی کوشیاگەیل مەزەنە کریەێد زیای بوود، چوینکە دوو زەخمدار زەخمیان مەرگبارە.
وەرپرسەیل وتن: ئەو پایە ک لە ئەمریتسار هاتوێد، لەبان ریەگە وەرەو شار کاترا لە ویلایەت جاموو تویش رویداوەگە هات لەناوچەی جاهجار کوتلی.
وەرپرسەیل وتنیش: پاسەگە لەڕی نیشتمانی زوینە جاموو -سریناجار سڕ بردگە، و لەبان پیەڵەکە پلیاگە.
جی باسە ک شار کاترا کامپیگ سەرەکیە ئەرا سەردانکەرەیل مەنزڵگاییگ ناودیار لەبان لویتکەی تەپەیل تریکونا.
