کوشیان و زەخمداری ١٠ کەس وە تەقینەوەیگ لەلایەن داعش لە ناوچەیگ شیعە لە کابوڵ
نیوز/ ٣ کەس لەلای کەمەو گیانیان لەدەسدان، و ٧ کەسیش زەخمدار بوین، لە ناو تەقیان بومبیگ دانریاگ لەلایەن ریخریاگ داعش، ئمڕوو یەکشەممە، لە کابوڵ پایتەخت ئەفغانستان.
ئیدارەی پۆلیس کابوڵ لە بەیاننامیگ وت: تەقینەوەگە پە گەڕەک بل سوخته لە کابوڵ بوی، ک ئەو ناوچە فرەی خەڵکەگەی شیعەس.
رووژ جمعە، ٨ کەس لەلای کەمەو کوشیان، و ١٨ کەسیش زەخمدار بوین، ئەوەیش لە تەقینەوەیگ ک هەمیش داعش خوەی کردە خاوەنی، لەناو گردەوبوین دەسەی ئیمام حسێن لە کابوڵ.
پۆلیس کابوڵ وت: ئامار سەرەتایی قوربانیەیل تەقینەوەی ئمڕوو رەسیەسە ٣ کوشیان و ٧ زەخمدار.
وەچەودیەیلیگ باس ئەوە کردن ک بومبیگ لەناو قەزانیگ دانریایە لەناو گردەوبوینەگە تەقیەو،.و داعش خوەی کردە خاوەنی، وەگورەی پەیامنێر ئەنادۆڵ.
خەوەرەیلیگ باس ئەوەیش کردن ک هیزە ئەمنیەیلە لەو تەقینەوە بیوەی بوین، وەگورەی کەناڵ "تڵوع نیوز".
