کوشیان و زەخمداری سێ دادوەر وە پەلاماریگ چەکدار لە ئیران

شەفەق نیوز/ دوو لە دادوەرەیل دادگای باڵای ئیران کوشیان، و یەکیگیش زەخمدار سەختیگ بوی، لە ئەنجام پەلاماریگ چەکدار، ئمڕوو شەممە، لە تەهران پایتەخت، وەگورەی میدیایل ئیرانی.

ئاژانس خەوەری ئیرانی "ميزان" وت: سێ لە گەورە دادوەرەیل دادگای باڵا کەفتنە وەر پەلاماریگ چەکدار لە تەهران پایتەخت.

ئاژانس خەوەری "فارس ناسنامەی دادوەرەیل ئاشکرا کرد کە وت: "دوو دادوەر لە دادگا محمد مقيسه و عەلی رزيني کوشیان، و دادوەر ميری و پاسەوانەگەی زەخمدار بوین".

ئاژانسەگە لە زوان سەرچەوەیلیگ وت: "ئی دادوەرەیلە کەفتنە وەر گولەواران، کە دووانیان کوشیان و یەکیگ زەخمدار بوی، و تەقەکەرەگە دویای ئەوە خوەی کوشت".

وەگورەی میدیایل ئیرانی، هیمان نیاز و ناسنامەی پەلاماردەرەگە نادیارە.