کوشیان و زەخمداری 7 سەرباز سوری وە گورزیگ ئیسرائیلی دەوروبەر دیمەشق
2022-04-27T06:37:20+00:00
شەفەق نیوز/ ئاژانس " سانا" ی سووری، ئمڕوو چوارشەممە، خەوەردا لە کوشیان4 کەس و زەخمداری 3 کەس وە گورز ئسرائیلی وەبان چەن خاڵیگ لە دەوروبەر دیمەشق پایتەخت.
ئاژانسە فەرمیەگەی سوریا ئاشکەرای کرد، " لە ساعات دوانزە و 41 خولەک شەوەکی ئمڕوو دوژمنەیل ئسرائیلی گورزیگ ئاسمانی وە موشەک لە برشقاتەو وەرەو ئاراستەی تەبریا کردن و چەن خاڵیگ لە دیمەشق کردنە ئامانج.
وتیش، " دەزگایەیل وەرگیری ئاسمانیمان موشەکەگان نیشانکردن و بڕیگیان خستنەخوار، لە دۊای دۊز کردن ئەنجامەیل دەرچگە 4 سەرباز شەهید بۊنە و 3 کەسیش زەخمدارە و بڕیگ زەرەد ماددی کەفتیە".
