کوشیان وەرپرسیگ گەورەی سەربازی روسیا لە تەقینەوەیگ لە مۆسکۆ
2024-12-17T07:55:59+00:00
شەفەق نیوز/ دەزگایەیل راگەیانن روسیا، ئمڕوو سێشەممە، خەوەردان لە کوشیان سەرۆک هێزەیل وەرگیری تیشک و کیمایی و بایلۆجی لە سوپای روسیا، وەگەرد سەربازیگ ترەک، لە ئەنجام تەقینەوەیگ لە مۆسکۆ کە شەوەکی ئمڕوو رویدا.
ئاژانس "تاس" خەوەری لە دەزگای فریاگوزاریەو راگەیان، لە تەقینەوەگە دوو کەس کوشیانە، لەناویان وەرپرسیگ دیار جنراڵ ئیغور کیریلوف هەس.
کەناڵ "بازا" لەبان پێگەی "تلیگرام" نزیک لە دەزگای ئەمنی روسیا دووپاتکرد، دوو کەس سەربازی کوشیانە.
ئاژانس راگەیانن روسیا لە زوانی لێکۆلەرەیل لە مۆسکۆ راگەیان لێکۆڵینەوەی تاوانکاری وازکریاس ئەرا مردن دوو پیای لە جادەیریازانسکی برۆسبکت، کە نزیکەی 7کیلومەتر لە بینای کرملینن
