کوشیان ئەندامیگ و زەخمداربوین ٣ لە ئاسایش سوریا وە رویداویگ تەقەکردن لە دەوروبەر دیمەشق

کوشیان ئەندامیگ و زەخمداربوین ٣ لە ئاسایش سوریا وە رویداویگ تەقەکردن لە دەوروبەر دیمەشق
2026-11-18T14:48:13+00:00

شەفەق نیوز- دیمەشق

سەرچەوەیگ ئەمنی سوری، ئمڕوو چوارشەممە، خەوەردا لە کوشیان ئەندامیگ لە ئاسایش گشتی سوریا و زەخمداربوین سێ کەس ترەک، وە رویداویگ تەقەکردن کە لە وەخت تەقەلای دەسگیرکردن یەکیگ لە داواکریایەیل لە شار جەرەمانا لە دەوروبەر دیمەشق.

سەرچەوەگە وە ئاژانس شەفەق نیوز وت: مەفرەزەیگ ئەمنی چگە ئەرا دەسگیرکردن داواکریاگەگە وەپای سکاڵایگ کە باوگی لەبانی توومار کردیە.

وتیش: داواکریاگەگە و کەسیگ ترەک کە وەردی بویە تەقە وەرەو مەفرەزەگە کردن، یەیش هیشت ئەندامەیل مەفرەزەگە وەپای یاسای رویداوەیل تەقەکردن جواو بیەنەوە، و لە ئەنجام هەردوگ کەسەگە کوشیان.

زانیاریەیل گوزەشتە دیاری کردن  سکاڵاگە لەبان ئەوەگ بویە کە داواکریاگەگە تەقە وەرەو باوگی کردیە، بیجگە گومانکردن لە وەکارهاوردن مادەی هووشبەر کە وە ناو "کریستاڵ" ناسریاگە.

Shafaq Live
Shafaq Live