کوشیان ٦ ئەندام داعش لە ئەفغانستان
شەفەق نیوز/ بزووتنەوەی تاڵیبان، کوشتن ٦ ئەندام لە ریخریاگ داعش لە کابوڵ پایتەخت ئەفغانستان راگەیان، ئەوەیش وە ئۆپراسیۆنیگ لەلایەن یەکەیل تایبەت بزووتنەوەگە.
محمد نەعیم قسەکەر تاڵیبان لەبان تویتەر نویسان: راپۆرتیگ لە ئۆپەراسیۆن دژوە میلیشیای داعش لە کابوڵ: دویەکە یەکەیل تایبەت ئیمارەت ئیسلامی (بزووتنەوەی تاڵیبان) ئۆپراسیۆنیگ دژوە گرووپیگ لە میلیشیای داعش جیوەجی کرد، لە سەرەتا دووان لەلیان دەسگیر کریا، ئیجا شوینیگیان لەناوچەی ٨ لە کابوڵ پەیا کریا.
وتیش: ئۆپراسیۆنەگە رەسیە ئەنجام کوشیان شەش ئەندام لە "خەوارج" و دەسناین وەبان چەک و بومبەیل و تەقەمەنی و ماشینیگ کۆرولا.
هەمیش وت: ئەو تاوانکارەیلە ک لەی ئۆپەراسیۆنە کوشیان، خوەیان ئەو تەقینەوەی دویاییە لە مزگەفت وەزیر ئەکبەر خان، و بنکەی کاج لە دەشت برشی خوەرئاوای کابوڵ جیوەجی کردنە، وەگەرد چەن تاوانیگ تر وەبان مەدەنیەیل.
نەعیم وتیش: وداخەو ک لەی ئۆپراسیۆنە "موجاهدیگ شەهید بوی" و یەکیگیش زەخمدار بوی.
