کوشیان ئەفسەریگ سوپای پاسداران وەدەس چەکدارەیلیگ لە تەهران
ئاژانس"ئیرنا" خەوەری فەرمی ئیران وت: ئەفسەریگ لە سوپای پاسداران وەناو قاسم فەتحولڵاهی، شەو سێشەممە، وە کردەوەیگ تیرۆری لە تەهران پایتەخت کوشیا، ئەوەیش وە چوار گولە وەدەس چەکدارەیلیگ لە وەردەم ماڵەگەی.
لە ماوەی چوار مانگ دویایین ئامانجکردن ئەفسەرەیل سوپای پاسداران و دەزگایل ئەمنی ئیرانی لە ناوچەیلیگ جیاجیا لە وڵاتەگە دووارەو بوی، ک لە ٢٨ تەشرین دویەم گوزەشتە فەرمانبەریگ لە سوپای پاسداران وەدەس کەسەیلیگ نەناسیاگ لە ئەسفەھان کوشیا.
لە ناوڕاس ئەو مانگە، ئەفسەریگ وە پلەی عەقید لە سوپای پاسداران وەدەس کەسەیلیگ نەناسیاگ لە پارێزگای ئازەربایجان کوشیا.
لە ٦ تەشرین دویەم گوزەشتە، دەسەڵاتەیل ئیران، کوشیان ٤ ئەندام ئاسایش ناوخوەیی لە باشوور خوەرهەڵات وڵاتەگە راگەیانن.
پەیوەندیەیل گشتی لە سوپای پاسداران ئیران، لەی دویاییە کوشیان راویژکار لە هیزەیل ئاسمانی سوپای پاسدارا، عەقید داود جەعفەری وە تەقینەوەیگ نزیک دیمەشق پایتەخت سوریا راگەیان.
لە تەشرین یەکەم، ئەندامیگ لە سوپای پاسداران و ئەندامیگ لە هیزەیل باسیج وە پەلامار چەکدارەیلیگ نەناسیاگ لە شار زاهدان ناوەند پارێزگای سیستان ت بلوشستان کوشیان.
چەن شاریگ ئیرانی وەگەرد تەهران پایتەخت، لە ئەیلوول گوزەشتە تا ئمڕوو، دویای مردن ژینا ئەمینی وەدەس پولیس ئەخلاق لە ناڕەزایەتیەیل وەردەوامن.
