کوشیان ٥ سەرباز پاکستان وە گولەی ئەفغانستان
شەفەق نیوز/ سوپای پاکستان، ئمڕوو یەکشەممە، راگەیان پەنج لە سەربازەیلی لەلای کەمەو، وە تەقەکردن لە خاک ئەفغانستان کوشیان.
کەرت پەیوەندیەیل گشتی هاوبەش (ISPR) سەروە وەزارەت وەرگری پاکستان لە بەیاننامەیگ وت: ئەو پەلامارە ک لە سنوورەگە رەد بۊە، لەبان هێزەیلیگ لەناوچەی کەرەم لە پارێزگای خەیبەر بەختونخوا لە باکوور وڵاتەگە بۊە.
بەیاننامەگە وتیش؛ هێزەیل پاکستان بەرسڤ پەلامارەگە کردن و راپۆرتەیلیگ هەواڵگری باس زەرەدەیل گەورەیگ لەلای تیرۆریستەیلە کەن.
پاکستان وە تونترین وشەیلیگ شەرمەزار وەکارهاوردن خاک ئەفغانستان لەلایەن تیرۆریستەیل کرد تا چالاکیەیل خوەیان دژوە پاکستان جیوەجی بکەن، و جەخت کرد ک ئیسلام ئاباد مەزەنە لە حکومەت نوو ئەفغانستان کەێد ک بزووتنەوەی تاڵیبان دروسی کردگە ری وەیجۊر کارەیلیگ نەیەێد.
لەلای خوەییش، شێخ رەشید ئەحمەد وەزیر ناوخۆی پاکستان داوا لە حکومەت تاڵیبان ئەفغانستان کرد پەیمانەیلی وە نواگردن تیرۆر سنور رەدکەر وەجی بارێد.
بزووتنەوەی "پاکستان تاڵیبان" خوەی کردە خاوەن ئی پەلامارە.
