کوشیان 32 کەس و زەخمداری دەیان کەس وە رویداویگ خوەیکوشی لە خوەرئاوای کابوڵ
شەفەق نیوز/ پۆلیس ئەفغانستان راگەیان، تەقینەوەیگ خوەیکوشی ئمڕوو جومعە رویدایە لە ناوەندیگ پەروەردەیی لە خوەرئاوای کابوڵ، لەئامارەیل سەرەتایی بویە هوکار کوشیان 32 کەس و زەخمداری 40 کەس، وەپای ئەوەگ قسەکەر پۆلیس خەوەردایە.
"فرانس پرێس" راگەیان، خالد زەردان لە نامەیگ ئەرا رووژنامەوانەیل ئاشکەراکردیە، ک" تەقینەوەگە لە ناوەند پەروەردەیی کاج رویدایە"، لە کویچەی دەشت برشی لە خوەرئاوای پایتەخت، وتیش " زەخمداریش هەس"،دیاریکرد دویاتر زانیاری زیاتر بڵاوکەن.
فرەیگ لە دانشتگەیل ناوچەی خوەرئاوا ک پەلامارەگە لەلی رویدایە کەمینەی " هەزارە نەتەوەین" ک کریەنە ئامانج پەلامارەیل رێکخریاگ دەوڵەتی ئیسلامی تونڕەو.
وتیش، پەلامارەگە لە دامەزراویگ پەروەردەیی بویە ک تاقیکردنەوەی وەرگردن خوەنەوارە نوویەیل ئەنجامدایە، هەرچەن لە رووژ جومعە فریگ لە مەکتەوەیل ئەفغانستان بەسیەن.
