کوشیان 200 کەس وە پەلامار چەکداریگ لە نەیجیریا

شەفەق نیوز/ وەگورەی قسەی دانشتگەیل ناوخوەیی، دۊیەشەو شەممە، لەلای کەمەو  200 کەس گیان لە دەسدان   وەدەس چەکدارەیلە لە یەکیگ لە ولایەتەیل باکوور خوەرئاوای نێجیریا.  

دانشتگەیل ناوخوەی وتن، نزیکەی 200 کەس   لە ئاواییگ لە ولایەت زامفارا،  باکوور خوەرئاوای نێجیریا کوشیان، ئەو پەلامار تۆلەسەنین خۊیناویەگە وەختیگ دەس وەپێکرد لە دۊیای سزاداین ئاسمانی وە لایەن سوپا ئەرا بان حەشارگەیلیان لە هەفتەی گوزەشتە.    

روتیرز وتیش؛ دانشتگەیل تۊنستنە بڕەسنە ئاوایەیلیان  رووژ شەممە دۊیای کۆنترۆلکردن سوپا ئەرا رێکخستن لە خاک ناین وە کۆمەڵ.       

وەلایگتر حکومەت ولاتەگە ئۊشێد 58 گیان لە دەسدایە.    

رۆتیرز رووژ جومعە باسکرد، لەلای کەمەو  30 کەس گیان لە دەسدایە لە ناوچەی ئانکا لە زامفارا، مەوقەی زیاتر 300 چەکدار وەبان ماتووسکڵ پەلامار 8 ئاوای داین وە گولە لە رووژ سێشەممە.   

سوپاگە وت: پەلامارە ئاسمانیەیلە لە ساعەتەیل یەکەم لە شەوەکی دوشەممە دەسوەپیکریایە وەبان دارستان جۆسامی و ئاوای تسامری خوەرئاوای  ولایەت زامفارا زیاتر لە 100 چەتەی بان ریەیلە کوشیانە ک دوانیان سەرۆکیان بۊینە، دۊیای ڕاپۆرتەیل هەواڵگێری، وەگورەی رۆتێرز.