ئوسترالیا دەروازەیلی لەنوای گەشتیارەیل واز کەێد
2022-02-07T07:01:21+00:00
شەفەق نیوز/ ئوسترالیا راگەیان ئەوەسا لە ٢١ شوبات سنورەیلی ئەرا مەدرم واز کەێد، وەمەرجیگ واکسین تەواوی دژوە ڤایرۆس کۆرۆنا بردنە.
سکۆت موریسۆن سەرۆک وەزیرەیل ئوسترالیا، ئمڕوو دوشەممە، وت: ئەنجومەن وەزیرەیل بڕیار دووارە وازکردن سنوورەگە دا ئەرا گشت خاوەن فیزا هەرا لە ٢١ شوبات، وتیش وەمەرجیگ بەڵگەی وەرگردن دو تاقەبەش واکسین دژوە ڤایرۆس کۆرۆنا بیاشتان.
ئوسترالیا لە ئادار ٢٠٢٠ سنوورەیلی لەنوای بیگانەیل بەسا، ئەوەیش لەوەر بڵاوبۊن ڤایرۆس کۆرۆنا لە گشت جەهان.
