ورسگی لو وەرز زمسان هەڕەشەی ئەفغانستان دەێد

شەفەق نیوز/ گەرمیەگەی پاییز تەواو بۊی، و ئەفغانستان وەرەو سەردی سەختیگ رۊی کەێد، و هشکی رەسیەسە چەن ناوچەیگ، ک کارەسات رەوشەگە زیایەو کەێد.     

لە هەرێم وەردەک، وە دۊری ٥٠ میل لە کابوڵ پایتەخت،  سەدان کەس گردەو بوون وە ئومید یەگ ئاردیگ وە دەسیان بکەفێد، ئەوەیش لە بنکەیگ فەرمی ئەرا بەشەوکردن خوەراک سەروە بەرنامەی خوەراک جیهانی.     

سەربازەیل تاڵیبان رەقەلا دەن رزەگە ڕێک بکەن، باوجی مەردمەگە هەس وە تووڕەی فەریگ لەی رەوش نەهامەتیە کەن، ک بایەتە تا ماوەی فرەیگ وەخاتر نانیگ لەی رزە بووسیەن.