واران مەردم ئوسترالیا خەێدە ناو تێریکی

شەفەق نیوز/ ئمڕوو شەممە، کارەبا لە دەیان هەزار کەس لە ویلایەت نیوساوت ویڵز ئوسترالیا بڕیل، دویای ئەوە کە پاڵەپەستۆ نزمیگ وای ویرانکەر و واران رفتیگ هاورد، کە هوشداری لە لافاو دریا.

وەگورەی ئازانس رۆیتەرز، کۆمپانیای کارەبای  (ئۆسجريد) وت: کارەبا لە نزیکەی 28 هەزار کەس لە سیدنی پایتەخت ویلایەتەگە، و گەورەترین شار لە ئوسترالیا بڕیا هەمیش کارەبا لە 15 هەزار کەس لە شار  نیوکاسڵ خوەرئاوا و ناوچەی هانتێر بڕیا.

دەزگای فریاکەفتن لە ویلایەتەگە لەبان سایت ئەلیکترۆنیی وت: 2825 پەیوەندی وە ماوەی دەسمیەتی لە شەو جمعەو ئەرای هاتیە، فرەیان لەوەر دارە رمیاگەیل یا چشتیگ لەوەر وا زەرەد وەپی رەسیە.

کەشناسی وڵاتەگە وت: هوشداری لە وت ولافاو ویرانکەر و واران رفت لە بەشەیلیگ ویلایەتەگە دەرچگ، و شایەت تونی واگە بڕەسێدە زیاتر 100 کم/س لە ناوچە کویەیلە.

میدیایل راگەیانن وتن؛ ئی هوشداریە دویای ئەوە تیەێد کە زریان لە هەفتەی گوزەشتە دارەیل و کڕەیل کارەبا رمان، و 200 کەس لە ساوت ویڵز وەبی کارەبا هیشت.