واتساپ وەی نزیکە ماڵئاوایی لە مەلیۆنا مۆبایل کەێد.. ئەرا؟

شەفەق نیوز/ ئەوەسا لەماوەی رووژەیل کەم ئایندە بەرنامەی پیوەندی کوتپڕی لەلایەن واتساپ لە مەلیۆنا مۆبایل لەکار وسیەێدەو، وەگورەی رۆژنامەی سەن بەریتانی.

سەرچەوەگە وت؛ بایەدە ئەو کەسەیلەگ مۆبایل زیرەک کۆنە دیرن بزانن ک بەرنامەکە ئەوەسا وەهاتن ساڵ ٢٠٢١ لەکار وسیەێدەو.

وتیش؛ ئەوە واتە ک تەنیا دوو هەفتە ئەرا نووەوکردن مۆبایلەگانیان هانوایان، ئەگەر خوازن لە خزمەتەیل واتساپ سوود بگرن.

لە سەرەتای ٢٠٢١ بەرنامە وەناوبانگەگە ماڵئاوایی لە هەر مۆبایلیگ ئایفۆن کەێد ک وە سیستەم ios 9  مدکار نێەکەێد.

و لەباوەت خاوەنەیل ئەندەڕوێد، کەمترین سیستەم داواکریاگە خوەی ٤.٠.٣ یا بەرزترە.

وەکارهاورەیل Apple بایەدە بچنە ناو setting ئیجا General ئیجا About  تا سیستەم کارخستن موبایلەلیان بزانن.

ئەرا وەکارهاورەیل سیستەم ئەندرۆید، زانیاریەگە لە Setting ئیجا About Phone  پەیا کەن.