وەینزیکە باڵوێزخانەی ئیران لە دیمەشق دەسەوکارەو بوود

شەفەق نیوز/ حسێن ئەکبەری باڵیۆز ئیران لە دیمەشق، ئمڕوو دووشەممە، راگەیان کە وەینزیکە باڵوێزخانەگە دەسەوکارەو بوود، ئەوەیش دویای نزیک هەفتەیگ بە رمیان بەشار ئەسەد، دیارترین هاوپەیمان ئەرا تەهران.

ئەکبەری وتیش: وەرپرسەیل سوریا بڕوا نەکردن حکومەت سوریا وەی زویە بڕمێد.

دووپات کرد کە سوریا نیوودە جویر لیبیا، و وەی نزیکە باڵیۆزخانەی ئیران دەسەوکارەو بوود.

وتیش: وەرجە کەفتن دیمەشق کەسەیلیگ نەناسیای تاڵانکردن فراوانیگ لە شارەگە و باڵیۆزخانەی ئیران کردن، وەلێ دووپات کرد کە هویچ هاوڵاتییگ ئیرانی نەکەفتە وەر دەسدرویژی، و پویل لەناو باڵیۆزخانەگە نەوی.

دیاری کرد کە دەسەی ئازادکردن شام و باڵەیل هاوپەیمانی پاسەوانی بینای باڵیۆزخانەگە لە دیمەشق کەن.

باڵیۆز ئیران توومەتبار ئیسرائیل و ئەمریکا کرد مە تەقەلا دەن نەیلن حکومەتیگ سوری توانادار دروس بوود.