وە فەرمی.. کۆمسیۆن هەڵوژاردنەیل ئیسرائیلی ئەنجامەیل کۆتایی راگەێنێد

شەفەق نیوز - خوەرهەڵات ناوڕاس

کۆمسیۆن ناوەنی هەڵوژاردنەیل ئیسرائیلی، ئمڕوو چوارشەممە، پەسەندکردن ئەنجامەیل کۆتایی ئەرا هەڵوژاردنەیل بیست و شەشەمین کنیست (ئەنجومەن نوێنەرەیل) راگەیان، لەدویای تەواوبوین پرۆسەیل جیاکردن و وەدویاچگن و پشراسکردن دەنگەیل، وەرد راگەیانن بەشەوکردن کۆتایی ئەرا 120 کۆرسیەگە.

وەپای ئەوەگ کۆمسیۆنەگە باسی کرد  بەشەوکردن 120 کۆرسیەگە لەبان حیزبەیل و قەوارەیل بەشدار لە هەڵوژاردنەگە وەی جویرە هات: پارت لیکۆد 27 کورسی، یەش عەتید 21 کورسی، مەعەن 12 کورسی، لیست هاوپەیمانی  11 کورسی، دیموکراتییەیل 8 کورسی، لیست عەرەبی یەکگرتگ (راعەم) 8 کورسی، ئیسرائیل بەیتونا 7 کورسی، عۆتسما یەهودیت (هێز یهودی) 7 کورسی،  یەهودییەت تەورات 7 کورسی، شاس 6 کورسی، و لە کۆتاییش سەهیۆنییەت ئایینی 6 کورسی.

کۆمسیۆن ناوەندی هەڵوژاردنەیل لە ئیسرائیل، چوارشەممە، راگەیان  وەدویاچگن ئەرا دەنگدانەگەی  هەفتەی گوزەشتە ئەنجام دریا هویچ پێشێلکارییگ نیشان نەدا کە زەرەد وە دەسپاکی دەنگدانەگە بڕەسێنێد.

راگەیانن کۆمسیۆن هەڵوژاردنەیل ئیسرائیلی لەدویای ئەوەگ هات کە سەرۆک وەزیرەیل بنیامین نەتەنیاهۆ حیزبەیل عەرەبی لە ئیسرائیل وە "تەقەلادان ئەرا دزین هەڵوژاردنەیل" توومەتبار کرد.