وەزیر وەرگری ئیسرائیلی: ئەرکمان لە ئیران نەڕەسیەسە پایان

شەفەق نیوز - وەدۊاچگن

وەزیر وەرگری ئیسرائیلی ئیسرائیل کاتس، رووژ یەکشەممە، دووپات کرد کە وڵاتەگەی هێمان ئەرک خوەی لە ئیران دویایی نەهاوردگە، وە نووەوکردن توومەتبارکردن تاران وە تەقەلاداین ئەرا وەدەسهاوردن چەکیگ ئەتۆمی، کە یەیش ئەوەس کە لەی دۊاییە وە وەردەوامی رەتی کەێد.

 کاتس، لە رێوڕەسمیگ فەرمی، وت، کە "ئەرکەگە لەوەگ پەیوەندیدارە وە ئیران هێمان دوایی نەهاتیە"، و زیای کرد کە "ئیران تەقەلا دەێد تەقەلایەیل خوەی ئەرا وەدەسهاوردن چەکەیل ئەتۆمی دەس وەپی بکەێدەو، لە شان تەقەلایەیل رخباریگ ترەک کە دەوڵەت ئیسرائیل خەێدە وەرانەوەر رخباری راسگانی".

 ئیسرائیل دوو جەنگ لەبان ئیران وەڕیەو برد؛ یەکەمیان لە حوزەیران/ یۆنیۆ 2025 و ئەرا 12 رووژ دریژەو بۊ، و دۊەمیش وە هاوبەشی وەرد وڵاتەیل یەکگرتگ لە شوبات/ فێبرایەر 2026، کە بۊە هووکار هەڵگیرسان جەنگ فراوان لە ناوچەی خوەرهەڵات ناوڕاس.

 میدیایەیل ئیرانی، ئیوارەی دۊکە شەممە، خەوەر دان لە ژنەفتن دەنگ تەقینەوەیل لەبانیەکیگ لە نزیک دوورگەی قشم و شار بەندەر خەمیر کەناراوی، لە باشوور وڵاتەگە، هاووەخت وەرد فڕین فڕۆکەیل لە ئاسمان ناوچەگە.

 ئاژانس ئیرانی فەرمی "ئێرنا" لە زوان وەچەودیەیل وت کە فڕین خەسیگ ئەرا فڕۆکەیل جەنگی هاووەخت وەرد رۊداین تەقینەوەیل چەودیاری کریاگە.