وەرپرسیگ تەندروسی ئیرانی: ڤایرۆسە هیندیەگە لە بەریتانی و ئەفریقیەگە دڕندەترە

 شەفەق نیوز/ عەلی رزا رەئیسی قسەکەر وەناو دەسەی نیشتمانی دژوە ڤایڕۆس کۆڕۆنا لە ئیران، وت: ڤایڕۆس کۆڕۆنا هیندیەگە دڕندەترە لە هەر ڤایڕۆسیگ تر.

رەئیسی لە وتاریگ رۆژنامەوانی وت: قوربانیەیل ڤایڕۆس کۆڕۆنای هیندی ئاڵشتبوی، فرە فرەترە لەو ڤایرۆسەیل تر، و تەنانەت لە ڤایڕۆسە بەریتانیەگە و باشوور ئەفریقیەگەیش دڕندەترە.

وتیش؛ یەکیگ لەو باوەتەیلە ک ئیسە کەفتیمنەسە وەری، خوەی ڤایڕۆسە هیندیە ئاڵشتبویەگەس، ئەراوە بایەدە پارێزگا خوەرهەڵاتیبەکان و هاوسایل پاکستان و ئەفغانستان ریکارەیل مقەیەتیکردن فرەیگ بکەن و گرنگی بیەنە تەمەیل تەندروسی و نەیلن ئی ڤایرۆسه بایەدە ناو وڵاتەگە.

رەئبسی وتیش؛ دیارە ئی ڤایڕۆس هیندیە تیکڵایگە لەناوبەین ڤایڕۆسە بەریتانی و بەڕازیلیەگە، و توانای لەناوبردنی فرە فرەترە.