وە گاز و سیگار.. ژنیگ ئوردنی شویەگەی خوەی کوشێد

شەفەق نیوز/ پیاییگ ئوردنی، ئمڕوو سێشەممە، دویای سزیان سەختی گیانی لەدەسدا، کە ژنەگەی وە گاز و سیگاریگ ئاگری داگە، وە قسەی کەسەیلیگ نزیک لەو خیزانە، لە رویداویگ کە وەرجە چەن رووژیگ لە ناوچەی کەمالیەی باکوور عەمان بوی.

عەقید عامر سرتاوی قسەکەر وەڕیەوبەرایەتی ئاسایش گشتی وت: ئیوارەی پەنجشەممە، ئاگاداری لە ئاگر ناو ماڵیگ رەسی، کە بویە هوکار زەخمداری پیاییگ لەناو تەمەن سی ساڵان، و ئەرا خەسەخانەی سەڵەت بڕیا، و لە لێکولینەوە دەرکەفت کە رویداوەگە کردەوەیی بویە، و ژنەگە ئاشکرا کردگە کە لەبان دەمەقاڵیگ خیزانی سزانیەسەی.

لە وەختیگ لێکۆلینەوە لە رویداوەگە وەردەوامە، رسوومەیل هووزانەی ئوردنی جیوەجی کریەێد، جویر گامیگ سەرەتایی دویای رویداوەیل گەورە کە لایەن تاوانکار وەرپرسایەتی خوەی لە رویداوەگە لەوەردەم دەمچەرمگەیل هووزەگە هەڵگرێد، تا نەڕەسێدە جەنگ و وەردەوەردە.

ئامارەیل کۆمەڵەی "تضامن" دیاری کرد کە ساڵ 2024 بەرزەوبوین وەڕیژەی 18.5% وەخوەی دی لە شمارەی قوربانیەیل تاوانەیل خیزانی وەچەو ساڵ 2023، هەرچەن شمارەی تاوانەیل کەمەو بویە.