وڵات چین ناوچەیگ بەسێد گەورەترین کارخانەی ئایفۆن لە جەهان هاناوی
شەفەق نیوز/ دەسەڵاتەیل چین، ئمڕوو چوارشەممە، بەسیان ناوچەی چنگچۆ راگەیان، ک گەورەترین کارخانەی "ئەپڵ" هاناوی ک مۆبایل ئایفۆن دروس کەێد، ئەوەیش لەپشت توومارکردن تویشهاتنەیل وە ڤایرۆس کۆرۆنا.
دەیان لە کاگەرەیل کارخانەی ئایفۆن لە وڵات چین لە کارخانەگە واینە تا نەکەفنە وەر کەرەنتین تەندروستی لەوەر بەسیان شوینەگە لە دویای توومارکردن تویشهاتنەیل کۆڕۆنا.
کارخانەگە کەفێدە شار چنگچۆ ناوڕاس، و گرووپ فۆکسکۆن تایوانی وەڕییەو بەێد، و نزیکەی ٢٠٠ هەزار کەس لەناوی کار کەن.
کۆمپانیای ئەپڵ، هەفتەی گوزەشتە، توومار شمارەی کەمیگ لە تویشهاتنەیل راگەیان، وتیش: ئەو چاوەیلە لەبان ئەنتەرنێت بڵاو بوون ک گوایە دەیان هەزار تویشهاتنەیل توومار کریایە راس نییە
لەلای خوەییش، گرووپ فۆکسکۆن وت: کارمەنەیل رووژانە کەفنە وەشکین و پابەند وە کەرەنتین تەندروستی لەناو شوینەگە بووک، باوجی پارچە ڤیدیۆەیلیگ لەبان سۆشیال میدیا نشان دەیان لە فەرمانبەرەیل دەێد، بەشیگیان جانتا وەدەسیان بویە، لەناو کارخانەگە وان، و لە تەیمانەگە پڕنەو، ئیجا وەپا کەفنە ری وەرەو ماڵ خوەیان.
