وڵات نیپال قەیەغەی تیکتۆک کەێد
2023-11-15T08:54:57+00:00
شەفەق نیوز/ حکومەت نیپال یاسای نوویگ ئەرا کۆمپانیاگان تەکنەلۆجی خسە جیوەجیکردن، کە کریاسە مەرج ئەرا ئەو کۆمپانیایەیلە لە وڵاتەگە وازکریانە.
لە نووترین بڕیار حکومەت نیپال وە توومەت "تێکدان هاوسەنگی کۆمەڵایەتی" وەکارهاوردن تووڕ کۆمەڵایەتی تیکتۆک لە وڵاتەگە قەیەغەکرد.
تیکتۆک نزیکەی یەک ملیار وەکارهاوەر مانگانە دیرێد لە سەرانسەر جەهان، ئەرا یەکەمینجار لەسەرەتای ئمساڵ لە ویلایەت مۆنتانای ئەمریکا قەیەغەکریا.
رێکا شارما، وەزیر پەیوەنی و زانیارییەگان نیپاڵ وە کەناڵ BBCـی راگەیانیە، "وەکوتپڕ بڕیارەگە جیوەجی کریەێد، هووکارەگەی ئەوەس تیکتۆک باوەت نادروس بڵاوکەێد".
،
