هيزەیل یەمەن 20 پەلامار ئاسمانی دژ وە حووسییەیل لە تەعز ئەنجام دەن

شەفەق نیوز - سەنعا

قسەکەر وەناو هيزەیل چەکدار یەمەنی ماجد عەبدولڵا نوزەیلی، ئمڕوو جمعە، راگەیان کە فڕۆکەیل جەنگی سەر وە هيزەیل ئاسمانی یەمەنی 20 پەلامار ئەنجام دانە کە جويلە و پاڵپشتی و گردەوبۊن و ئەندام و ماشين و ئامێرە سەربازییەیل سەر وە لایەنگرەیل حووسی لە پارێزگای تەعز گردەسە ئامانج.

 نوزەیلی لە پۆستیگ لەبان ماڵپەڕ "ئێکس" وت، کە فڕۆکە جەنگییەیل گورزەیل "هۊرد و خەس" وەشاننەسە بان هەر یەک لە حومەیر، بەنی بەکاری، سامع، ئەقروز، جادەی شەست، ئەعموور، میدی بەنی حەسەن، و وازعیە لە تەعز.

وتیش کە ئەو پەلامارەیلە راسەوخۆ ئامانجە دژمنکارەیلە کوتانە، و زەرەد رەساننەسە ئەندامەیل حووسییەیل و کەرەستە و جویلە سەربازییەیلیان.