هيزگردن ئاگریگ لەناو پاڵاوگەیگ نەفتی لە حەسەکەی سووریا.. ڤیدیۆ
شەفەق نیوز - حەسەکە
تیمەیل ئاگرکپەوکردن، رووژ چوارشەممە، ئاگریگ کپەو کردن کە لەناو یەکیگ لە کۊرەیل پاڵاوگەیگ نەفتی کارەبایی لە کێڵگەیل جەبسە لە پارێزگای حەسەکەی سووریا هیز گرد، وەبی توومارکردن زەخمداری.
پەیامنێر ئاژانس شەفەق نیوز وت، کە تیمەیل ئاگرکپەوکردن لە وەڕیەوبەرایەتی جەبسە و کێڵگەیل گاز، وە هاوکاری وەرد تیمەیل وەڕیەوبەرایەتی فریاکەفتن و کارەساتەیل لە پارێزگاگە، تۊنستن کۆنترۆڵ ئاگرەگە بکەن وەرجە بڵاوبۊنی ئەرا بەشەیل ترەک لە دامەزراوەگە، کە لە ماوەیگەو کار لەبان خاسەوکردن و دووارە وەکارخستنی کریەێد.
وەڕیەوبەرایەتی فریاکەفتن و وەڕیەوبردن کارەساتەیل خەوەر دا کە تیمەیل وەرگری مەدەنی دەسوەجی دۊای وەرگرۆن ئاگادارکردنەگە رویکردنە شوین ئاگرەگە، و تۊنستن کپیەو بکەن، لە وەختیگ زانیارییە سەرەتاییەیل دەسنشان ئەرا دزەکردن مادەیل زۊسز کردن دۊای بڕیان تەوژم کارەبایی.
تا ئیسە ئەنجامەیل فەرمی ئەرا لێکۆڵینەوەیل دەرنەچگنە کە هوکارەیل کۆتایی ئەرا ئاگرەگە دیاری بکەن، لە وەختیگ زانیارییەیل سەرەتایی باس لە ئەگەر بۊن گومان شیویان کردنە، وەبی دووپاتکردنیگ فەرمی ئەرا ئەوە.
پاڵاوگەگە وە یەکیگ لە دامەزراوە نەفتییە زەرەدمەنەیل دانریەێد کە کار کریەێد لەبان خاسەوکردن بەشەیلیگ لەلبی و خاسکردنی ئەرا ریخوەشکردن لە دووارە وەکارخستنی و خستنی وەناو خزمەت.
