هاوپەیمان ناودەڵەتی: کوشتن و دەسگیرکردن ١١٢ کەس لە زیندان غويران واینە

شەفەق نیوز/ سەرچەوەیگ لە هاوپەیمان ناودەڵەتی، ئمڕوو یەکشەممە، ئاشکرای کوشتن ٢٣ تیرۆریست کرد لەناو زیندان غويران سوریا واینە، و دەسگیرکردن ٨٩ تریش لەلایەن هێزەیل هەسەدە.  

سەرچەوەگە ئەرا ئاژانس شەفەق نیوز وت: ٢٣ چەکدار لە ریخریاگ داعش وەدەس هێزەیل هەسەدە کوشیان دۊیای واینیان لە زیندان غويران لە شار حەسەکەی سوریا.   

سەرچەوەگە دیاری کرد ک هێزەیل هەسەدە ٨٩ چەکدار لەدەورگرد زیندانەگە دەسگیر کردن هەنای تەقەلای واین وەرەو دەیشت شارەگە دان.  

وەگورەی سەرچەوەگە،  تا ئیسە هۊچ کوشیان یا زەخمداری لەلای هێزەیل هاوپەیمان ناودەڵەتی لەبان زەۊی سوریا نییە، و دووپات کرد ک ئەوەگ لەبان شۆسیال میدیا بڵاو کریاگە راس نییە.