هۆنگ کۆنگ دەمامەک لاوەێد
2023-02-28T09:28:54+00:00
شەفەق نیوز/ هۆنگ کۆنگ بڕیار دا، لە سوو چوارشەممەو، دەمامەک لاوەێد، وەیەوە دویاترین قەیەغەیل سەرەکی شارەگە لە نواگردن ڤایرۆس کۆڕۆنا شکنێد.
جۆن لی سەرۆک جیوەجیکەر وت: داناین دەمامەک لە فرە شوینەیل واز و بەسیاگ لەوەلا ناچاری نییە، باوجی لە شوینەیلیگ ک فرە مەترسی دیرن مینێدەی.
لی وتیش: گلەوخواردن ئەرا رەوش سرووشتی خاسە ئەرا ئەوزەڵکردن ئابووری لە هۆنگ کۆنگ، و بەرزەوکردن توانای لە مەیدان ناودەوڵەتی.
لە گشت ماوەیل پەتاگە، دەسەڵاتەیل داوا لە خەڵکەگە کردن لە شوینەیل گشتی واز و بەسیاگ دەمامەک وەکار بارن، و ئەوەگ یاسای دەمامەک بشکنێد باجیگ رەسێدە ٦٣٧ دۆلار لەبان چەسپیاد.
