هیزگردن ئاگر لەناو فرۆکەخانەیگ لە لەندەن و گەشتەیل وسیەن
2023-10-11T07:53:06+00:00
شەفەق نیوز/ فرۆکەخانەی لوتون لە لەندەن گشت گەشتەیل ئاسمانیەیلی هەڵوشان تا نیمەڕو چوارشەممە وە مدوو ئاگر گەپیگ کە بویە هووکار رمیان بەشیگ لە یەکیگ لە گەراجەیلی.
ئیدارەی فرۆکەخانەگە کە کەفێدە باکوور پایتەخت بەریتانیا و نزیکەی 40کم لە ناوەندەگەی دویرە راگەیان "سەلامەتی گەشتیار و فەرمانبەرەیلمان گرنگترە لە گشت چشتیگ، لەدویایش بڕیاردایمن وە هەڵوشانن گشت گەشتەیل ئاسمانی تا ساعەت 12:00نیمەڕو ئمڕوو چوارشەممە.
ئاگرەگە لەنزیگ ساعەت 21 لە گەراج ماشینەیل کە وەی دویاییە بیناکریاگە لە فرۆکەخانەگە هیزگردیە کە خزمەت کۆمپانیا کەم تێچگەیل کەێد.
دیمەنەیلیگ کە وەلایەن دەزگایەیل راگەیانن بەریتانیا دەرچگە بینایگ چەن قات سزیەد گەواهیدەرەیلیش لەبان توور کۆمەلایەت رویداو تەقینەواگە توومارکەن.
دەسەی فریاکەفتن ناوخوەیی لە پۆستیگ لەبان پێگەی ئێکس راگەیان، پەنج کەس- چوار ئاگرکپەوکەر و فەرمانبەریگ فرۆکەخانەگە، ئەرا خەسخانە کلکریانە.
