هیزگردن ئاگر لە کەنەدا مەترسی لەبان ژیرخان ئابووریی دروس کەێد
2023-06-08T09:23:22+00:00
شەفەق نیوز/ لە ئەنجام هیزگردن سەدان ئاگر لە دارسانەیل کەنەدا و لە کۆنترۆل دەرچگنیان، مەترسی لەبان ژیرخان بنەرەتی ئابووری ئەو وڵاتە دروسکردیە و دەسڵاتدارەیل ناچاربوین داوا لە هاوڵاتیەسل بکەن ماڵەیلیان چووڵ بکەن، لەهەمان وەخت ئاگرەگە بویەسە هووکار ئەوەگ ئاسمان نیویۆرک ئەرا رەنگ خوەڵەکویی ئاڵشتبوود.
بیڵ بیلەر وەزیر ئامادەکاریەیل ئەرا رویداوە لەناوکاوەیل کەنەدا رایگەیانییە، نزیکەی ٩.٤ ملیۆن دۆنم زەوی لەوەر هیزگردن ئاگر سزیانە، و دیاریکردیە لە سەرانسەر وڵاتەگە ئیرنگە هیزگردن ٤١٤ ئاگر هەس و ٢٣٩ ئاگریان لە کۆنتڕۆڵ دەرینە و هەرێم کویبیک فرەترین زەرەد وەپی رەسیە.
وەزیرەگە ئاشکەراشکردیە، لە هەرێم کویبیک مەترسی لەبان ژیرخان ئابوری دروسبویە وەجویریگ ناچار بوینە ریگەیل ناوبەین ئاوای و شارەیل بوەسن و گشت پەیوەنیگ بڕیاگە و مەترسی لەبان کڕ کارەبا دیرێد، چوینکە شمارەی هیزگردن ئاگرەی وەرەو هەڵکیشانە.
