هیزگردن ئاگر لە دوو کەشتی نەفتبەر لە تەنگەی هورمز
شەفەق نیوز - تەهران
سوپای پاسداران ئیرانی، ئمڕوو پەنجشەممە، خەوەردا لە هیزگردن ئاگر لە دوو کەشتی نەفتبەر راگەیان، لەدویای تەقەلادان ئەرا وەکارهاوردن ری ریوەپینەدریاگ لە رێ تەنگەی هورمز.
سوپای پاسداران لە بەیاننامەیگ وت: یەکیگ لە دوو کەشتییە نەفتبەرەگە لەیەکەودایە وەگەرد مینیگ دەریایی مەوقەی تەقەلادان ئەرا قۆرتاربوین لە ریڕەویگ کەفێدە باشوور تەنگەگە، لە هەمان وەختیگ ئاگر لە کەشتییگ نەفتبەر ترەک هیز گرت مەوقەی دەرچگنی لە رێڕەوەگە لە بەش خوەرهەڵات لە رێڕەو ئاوییەگە.
سوپای پاسداران هووشداری دا لەوەگ "تەقەلادان ئەرا سەرپێچیکردن یاسا لە تەنگەی هورمز زەردەیل دارایی و دۆڕاننەیل سیاسی ئەرا ولایەتەیل یەکگرتگ زیایەو کەێد".
لە لایگ ترەکەوە، سوپای پاسداران وت؛ توانستگە دەس بگرێد وەبان درۆن لە جۆر لووکاس، و دیاریکرد کەفتیەسە چنگیان.
ویچ نیشانەیگ دەسوەجێ وە لایەن ئەمریکیا لەبان بەیاننامە ئیرانییەگە دەرنەچگە.
