نقوم بوین بەلەم لە دەریای ئیجە بوودە هوکار کوشیان 5 کووچبەر
2023-11-15T13:07:18+00:00
شەفەق نیوز/ دەزگای لوتکە، ئمڕوو چوارشەممە، راگەیان لەوەر ژیر ئاو کەفتن بەلەمیگ کووچبەرەیل لە دەریای ئیجە پەنج کەس گیان لەدەسدایە و دووانیش بی سەروشوینن.
دەزگاگە راگەیانیە، بەلەمیگ لاستیکی کە 13 کەس هەڵگردوێد، لەدیر وەخت دویەشەو 13 ئی مانگە لە دەیشت کەنداو کیلۆپاترا لە شار جەشمەی تورکیا لە کەشوهەوای بەدیگ نقومبویە و خنکیان پەنج کەس لەلی کەفتیە و دوو کەسیش تا ئیسە بی سەروشوینن.
دیاریکرد، پاسەوانەیل کناراوەیل تورکیا کەسیگ لەناو دەریا قورتارکردنە و دویاییش پەنج کەس لەبان هشکایی پەیاکردنە کە تەندروسیان خاسە، وتەرمیگیش لەبان هشکایی پەیاکردنە.
ئاشکەرایکرد، تا ئیسە تەمەن و رەگەز قوربانیەیل ئاشکەرانەکریاگە و مینەکردن ئەرا بی سەروشوینەیل وەردەوامە.
