پەنجشیر ئەفغانستان دووارە ئامادەباشی  ئەرا جەنگ تاڵیبان کەێد

شەفەق نیوز/ کەبیر واسیک جیگر وەرین حاکم ویلایەت پەنجشیر باکووری، ئمڕوو دووشەممە،  راگەیان بەرەی وەرخودان نیشتمانی ئەفغانی،  ئامادەباشی ئەرا دووارەکردن جەنگ دژوە بزووتنەوەی تاڵیبان کەێد.       

واسیک وت: جەنگاوەرەیل تاڵیبان کۆنترۆڵ دامەزراوەیل حکومەتی لە پەنجشیر و ریە هەرێمیەیلە کردنە، وەلێ لە بەرزایەیلە و ناوچەیلیگ تر ک لە پەنجشیر دۊیرن، دیرن کەرتەیل لە جەنگاوەرەیل وەرخودان دروس کەن، ک وەی نزیکە جەنگیان وەرانوەر بزووتنەوەی تیرۆری تاڵیبان دووارە کەن.

وتیش؛ گومانیگ نییە ک تاڵیبان تیرۆریست هەڕەشە لەبان گشت وڵاتەیل دیرێد،  وەتایبەت ئاسیای ناوەڕاس، وەگەرد ئەوەیش، رووسیا ک کاریگەری راسییگ لە ناوچەگە و گشت جیهان دیرێد، توانای وەرخودان تاڵیبان و پاڵپشتیکردن گەل ئەفغانستان و هێزەیل وەرخودان لە جەنگیان وەرانوەر تیرۆریستەیلە دیرێد.