پەنج ناوچە لە عراق هانە نیم پلەی کوڵیان
شەفەق نیوز/ پەنج ناوچە لە پارێزگایل عراق، ئمڕوو یەکشەممە، لە ماوەی ٢٤ ساعەت گوزەیشتە، نیمەی پلەی کوڵیان تۆمار کردن.
ویستکەی پلاسیرفیلی لە کالیفۆڕنیای ئەمریکا خشتەیگ وە ١٥ ناوچە و شار جیهانی بڵاو کرد بەرزترین پلەی گەرمی لە جهان لە ماوەی ٢٤ ساعەت گوزەیشتە تۆمار کردنە، ک لەناو خشتەکە ناوچەی لوفی لوفی لە دەوڵەت ساموا بەرزترین پلەی گەرمی وە ٥٣،٧ پلەی سەدی تۆمار کرد، ئیجا لە پلەی دوویەم شار عمارەی عراق وە ٥١ پلەی سەدی، ئیجا فڕۆکەخانەی ناودەوڵەتی بەسرە لە عراق وە ٥٠،٧ پلەی سەدی، ئیجا ناوچەی جەهرا لە کوەیت لە پلەی چوارەم وە ٥٠،٧ پلەی سەدی، و ناوچەی سەلیبیە لە کوەیت وە ٥٠،٦ پلەی سەدی کەفتە پلەی پەنجەم ناو لیستەگە.
خشتەگە هەمیش نشان دا ک ناوچەی عەبادان ئیران لە پلەی شەشەم هات وە ٥٠،٥ پلەی سەدی، و عەبدەلی لە کوەیت وە ٥٠،٥ پلەی سەدی، ئیجا ناوچەی مەتربە لە کوەیت وە ٥٠،٤، و ناوچەی عەلی غەربی لە عراق کەفتە پلەی نۆهەم وە ٥٠،٢ پلەی سەدی، ئیجا ناوچەی حوسەین لە عراق وە ٥٠،٢ پلەی سەدی، و فڕۆکەخانەی ناودەوڵەتی کوەیت وە ٥٠،٢ پلەی سەدی، و ناوچەی سابریە لە کوەیت وە ٥٠ پلەی سەدی کەفتە پلەی دوانزەهەم، و ناوچەی ئەهواز ئیران لە پلەی ١٣ەتە ٤٩،٧ پلەی سەدی، ئیجا ناوچەی فاو لە عراق وە ٤٩،٦ پلەی سەدی، و پارێزگای ناسریە لە عراق کەفتە دویاترین قلەڵوەە٤٩،٦ پلەی سەدی.
لەی خوارە خشتەی بەرزترین پلەی گەرمی لە جهانە:
