"ناتۆ" درۆنیگ لە لاتیڤیا خەێدە خوار

شەفەق نیوز- وەدۊاچگن

سوپای لاتیڤی، ئمڕوو جمعە، خەوەردا لە وەخوارخستن فرۆکەیگ بیفڕۆکەوان لەلایەن فرۆکەیل جەنگی لە هاوپەیمانی باکوور ئەتڵەسی "ناتۆ".

 سوپاگە لەبان سەکوو "ئێکس" دیاری کرد، کە هوشداری ئاسمانی لاوریاس دۊای ریگریکردن لە درۆنەگە.

 سوپاگە سەرچەوەی فرۆکە بیفڕۆکەوانەگە دیاری نەکرد، و دووپات کرد کە فرۆکەیگ بیفڕۆکەوان بیگانە چگەسە ناو بوار ئاسمانی لاتیڤیا لە ئەنجام چالاکی جەنگ ئەلکترۆنی رووسی لەبان ناوچەی بالڤی.

 یەیش دەسنشان ئەرا ئەوە کەێد کە شایەت درۆن ئۆکرانی بۊڵ کە رێڕەوەگەی ئاڵشت بۊە وە مدوو شیواشیو ئەلکترۆنی رووسی.

 وڵاتەیل ئەندام لە ناتۆ وە نۆرە پاسەوانی ئاسمانی ئەرا هەر یەک لە ئیستۆنیا و لاتیڤیا و لیتوانیا کەن، کە وڵاتەیل گەوراتر لە هاوپەیمانیەگە فرۆکە جەنگییەیل دابین کەن.

 لاتیڤیا، کە ئەندامە لە هاوپەیمان ناتۆ و یەکێتی ئەوروپا و شمارەی دانیشتگەیلی رەسێدە نزیکەی 1.9 ملیۆن کەس، لە خوەرهەڵاتەو هاوسنوورە وەگەرد رووسیا.