ژنیگ و دوو مناڵی لە ئەمریکا کەفنە وەر گەزین سەگ
شەفەق نیوز/ داڵگ دوو مناڵ لە ویلایەت تینیسی ئەمریکا، زیان لە زەخمەیل قویلیگ وەخوەی دوینێد، دویای گەزین دوو سەگ لە چین "بیت بول" هەنای تەقەلا دایە دوو مناڵەگەی لە قەپیان مەرەقەز بکەێد.
هەرچەن تەندروسی کێرستی جین بینارد ئارامە، باوجی زیان لە زەخمەیلیگ دیرێد ک هەنای تەقەلای ڕزگارکردن دویەت ٥ مانگانی، و ئەو دویەتەگەی ک لە دوو ساڵان ئەوبان نییە، ک کەفتنە وەر پەلامار سەگەیل "بیت بول" و هەردوگیان گیانیان لەدەسدان.
وەگورەی پۆستیگ لەلایەن پۆلیس ناوچەی شیلیبی ک لەورا رویداوەگە بویە، هەردوگ مناڵەگە لەو شوینە ک کەفتنە وەر پەلامارەگە گیانیان لەدەسدانە.
پۆلیس وتیش: بینارد زیان لە گەزین سەگەیل لە گشت لەشی و دەمچەوی دیرێد، وەگورەی رووژنامەی نیویۆرک پۆست ئەمریکی.
یەکیگ لە کەسوکارەیل خانوادەگە دووپات کەێد ک ئەو دوو سەگە ک دوو مناڵەگە کوشتنە، لەناو ئەو ئاژەڵەیل دەسیە بوینە ک یە ٨ ساڵە خانوادەگە ئیوەتیان کەن، و تا ئیسە هویچ رەفتاریگ وەیجویرە نەکردنە.
