نیمچە هەسارەی گەپیگ وەرەو زەوی تیەێد

شەفەق نیوز/ ناوەند توێژینەوەی چشتەیل نزیک لە زەوی سەروە ئاژانس ناسا، ئمڕوو دووشەممە، خەوەردا ک نیمچە هەسارەی گەپیگ ک چوار ئەوەنەی بینای (ئیمبایر ستیت)ە لە ٢٧ ئایار تیەێدە نزیک زەوی. 

ناسا باس ئەو نیمچە هەسارە کرد و وت: هاتێ رخبەر بوود، ک واتە هاتێ زەرەدەیل گەورەیگ بڕەسنێدە زەوی، ئەگەر رویکردنی وەردەوام ئاڵشت بوود، چوینکە قەوارەی فرە گەورەس و وناوقەیی رەسێدە (١،٨ کیلومەتر). 

وەگورەی ئاژانس ناسا،  ئەو نیمچە هەسارە وەناو (7335 (1989 JA) گەورەترین نیمچە هەسارەس ک لەی ساڵە تیەێدە نزیک زەوی، و زانایلە مەزەنە کردن ک تونی نیمچە هەسارەگە رەسێدە ٤٧٢٠٠ میل لە ساعەتیگ، واتە ٢٠ جار لە گولە تونترە، و تا ٢٣ یونیو ٢٠٥٥ کەفێدە مەودای ٧٠ ئەوەنەی ناوبەین زەوی و مانگ.