چین لێکۆڵینەوە لە مردن خوەنەوار دکتۆرا کورد عراقی کەێد وە مدوو خنکیان لە خاک ئەو وڵاتە
شەفەق نیوز- هەولێر
کۆنسوڵخانەی گشتی چین لە هەولێر، ئمڕوو پەنجشەممە، راگەیان "محمد سەعدەدین هادی"، خوەنەوار دکتۆرا کورد عراقی لە زانکۆی "ئۆشن"ی چین، لە رویداویگ "دڵتەزن" خنکیان لە چین گیانی لەدەس دایە، و پەیام سەرەخوەشی و هاوخەمی ئەرا خێزانەگەی کلکرد.
قسەکەری کۆنسوڵخانەی چین لە بەیاننامەیگ فەرمی وت: کۆنسوڵخانەی گشتی گرنگییەگی فرە وەی باوەتە دەێد و دەستوەجی پەیوەنی وە لایەنە پەیوەندیدارەیل چین کردیە ئەرا زانین هویردەکاریەیل، دیاریکرد، وەپای زانیارەیل وەردەس، دەسەلاتدارەیل ئاسایش گشتی ناوخوەی و زانکۆگە دەسوەجی تیمیگ تایوەت پێکهاوردنە ئەرا ئەنجامدان لێکۆڵینەوە وەپای یاسا و رێکارە پەیوەنیدارەیل.
دووپاتکرد، دەسەڵاتدارەیل چین پەیوەنی نزیکیگ وەرد
باڵیۆزخانەی کۆماری عراق لە چین دیرێد و زانیاری زیاتر دویای تەواوبوینی لێکۆڵینەوەگە هاوبەش کرێد، داوا لە میدیاگان کرد وە تەواوی رێز لە تایبەتمەندییەیل کووچکردگ و خێزانەگەی بگرن خوەیان وەدویر بگرن لە بڵاوکردن و گومان پشتراسنەکریاگەیل.
لە کۆتایی وت: قۆنسۆلخانەی چین ئامادەس ئەرا پیشکەشکردن دەسمیەتی مرۆیی هەوەجەکریاگ ئەرا خێزان کۆچکردگ لە پێناو گەشتکردنیان ئەرا چین و مامەڵەکردنیان وەرد ئێ رویداوە.
