نەفت لە جەهان داوەزێد لەدویای دویرەوکەفتن لە ئەنجامدان پەلامارەیل نوو لەبان ئیران

شەفەق نیوز - وەدویاچگن

نرخەیل نەفت لە مامەڵەیل سەرەتایی، ئمڕوو دوشەممە، داوەزی لەدویای قسەیل دونالد ترەمپ سەرۆک ئەمریکا کە   ئەگەر ئەنجامدان پەلامارەیل نوو لەبان ئیران دویرەوخس، وەرد دیاریکردن ئەرا وەدەهاوردن نواچگن لە  دانووسانەیل ئامانجدار ئەرا کۆتاییهاوردن وە مەرافەگە.

گرێبەسەیل ئایندەی خام برێنت وە بڕ 84 سەنت، یا 0.85% کەمەو بوی، تا 97.48 دۆلار ئەرا بەرمیلیگ توومار بکەێد، لە وەختیگ خام خوەرئاوای تێکساس ناوڕاس 32 سەنت، یا 0.35% داوەزی ئەرا 90.51 دۆلار.

ئێ داوەزیانە لەدویای ئەوە هات  خام برێنت گەپترین زەرەد هەفتانە لە سەرەتای پەتای کۆرۆناوە توومار کرد، وە داوەزیانیگ کە رەسییە 17% لە ماوەی هەفتەی گوزەشتە، لە ناوەڕاس کەمەوبوین رخداری لە تێکچگن سەربازی نوو.

بانک جەی پی مۆرگان مەزەنەی گلەوخواردن زەردەیل   نەفتی جەهانی کرد، ک وە نزیکەی 1.1 ملیۆن بەرمیل رووژانە لە ئەیلول مەزەنە کریا، وەرد بەرزەوبوینی ئەرا 1.4 ملیۆن بەرمیل رووژانە لە تشرینی یەکەم، وە مدوو خاسەوبوین بەرهەمهاوردن  لە خوەرهەڵات ناوڕاس و زیایبوین بەرهەمهاوردن و لەری داواکاری.

لە لای خوەییەو، فۆئاد حسێن وەزیر دەرەوەی عراق وت  بەغداد رەسییە لەیەکفامستا وەرد واشنطن کە ری دەێد  وە رەدبوین کلکردن نەفت عراقی لە ری تەنگەی هورمز لە ری ریڕەویگ کەشتیوانی لەنزیک شانشین عومان،  و دیاریکرد ئەرا ئەوەگ زەرەدەیل عراق وە مدوو جەنگ  کلکردنی رەسییە 60 ملیار دۆلار.