کەنەدا.. کوشیان کەسیگ وە پیاکیشان ماشینیگ و فرۆکەیگ مەوقەی نیشتنەوەی ناچاری

شەفەق نیوز- ئۆتاوا

کەسیگ گیان لەدەس دا لە ئەنجام پیاکیشان فرۆکەیگ بۊچگ وە ماشینیگ مەوقەی نیشتنەوەی ناچاری لەبان رییگ سەرەکی لە خوەرئاوای کەنەدا، وەپای ئەوەگ پولیس خەوەر دا.

 رۊداوەگە، ئیوارەی جمعە رۊ دا، وەختیگ فرۆکەگە، کە لە جۊر "بیتشکرافت"ە، وە ناچاری لەبان رییگ سەرەکی لە شار "پرینس جۆرج" نیشتەو، لە دۊری 700 کیلۆمەتر لە باکوور شار "ڤانکۆڤەر".

 پولیس لە بەیاننامەیگ ئەرا ئاژانس "فرانس پرێس" دیاری کرد کە رۊداوەگە زەرەد وە دوو ماشین رەسانیە، و سەرنشینیگ لە یەکیگیان گیان لەدەس داگە، و دەسنشان ئەرا ئەوە کرد کە وەشکینەیل وەردەوامن.

 وینەیل رۊداوەگە فرۆکە بۊچگەگە نیشان دەن کە لەبان گیاوەگە لەشان ریەگە لە نزیک ناوچەیگ دارسان جیگیر بۊە، و دەسوەجێ ئاشکرا نەۊ کە ئایا لە سەرنشینەیل فرۆکەگە زەخمدار بۊنە یا نە.