نەتەوە یەکگرتگەیل: لەوەختیگ تاڵیبان دەسەڵات گردیە زیاتر لە ١٠٠٠ ئەفغانی کوشیایە

نوێنەرایەتییەگە لە راپۆرتیگ کە لەلایەن خوەیەو بڵاویکردیە وەت: لە ناوەین 15ی ئاب 2021 و ئایار 2023، 1095 هاوڵاتی مەدەنی کوشیانە و 2679ی ترەکیش زەخمدار بوین، یەیش رووشنایی خەێدە بان سەختیەیل ئەمنی تەنانەت دویای کۆتاییهاتن جەنەگە کە نزیکەی دوو دەیە کیشا.

فرەی گیانلەدەستدانەیل، واتە کەمیگ زیاتر لە ٧٠٠ کەس، وەمدوو تەقینەوەی بومبەیل دانریاگ، لەناویان تەقینەوەی خوەیکوشی، لە شوینە گشتییەیل جویر مزگەفت و ناوەندەیل پەروەردە و بازاڕەیل.

هەرچەن لە دویای زاڵبوین دەسەڵات تاڵیبان لە مانگی ئاب 2021 وەگەرد رمیان سوپای ناتۆ، جەنگ  وەشیوەیگ وەرچەو کەمەو بویە، بەڵام سەختیە ئەمنییەیل هەر مەنیە، وەتایبەتی لەلایەن داعشەو.

 نوێنەرایەتی نەتەوە یەکگرتگەیل ڕایگەیان کە ئەو ریخریاگ تونڕەوە وەرپرسە لە فرەی پەلامارەیل، هەرلیوا وتیش؛  پەلامارە خویناویەیل وەگەرد کەمەوبوین روداوە تونوتیژییەیل پەرە سەنیە.

لە ڕاپۆرتەگە هاتیە: ئامارەیل نەتەوە یەکگرتگەیل ئەرا دەسمیەتیداین لە ئەفغانستان (یونامی) نەک هەر رووشنایی خەێدە بان زیانەیل ئەو جویرە پەلامارەیلە ئەرا هاووڵاتیەیل مەدەنی، بەڵکم زیایبوین پەلامارە خوەیکوشیە خویناوەیلیش لە دویای 15ی ئاب 2021، کە شمارەیگ کەمتریان هوکارن لە بڕیگ زیاتر لە قوربانیەیل مەدەنی.

بزووتنەوەی تاڵیبان زوور لەوەیش کردەیە کە ئەوان هویریان هالای ئاسایش وڵاتەگە و لە چەن مانگ گوزەشتە چەن هەڵمەتیگ لەبان  شانەیل داعش ئەنجام دانە.

وەپەی ئامار نوێنەرایەتی نەتەوە یەکگرتگەیل، ئەو پەلامارەیل تەقینەوە کە ریخریایەگە بانگەشە ئەرای کەێد، بویەسە مدوو کوشیان زیاتر لە ١٧٠٠ کەس.

وەزارەت دەرەوەی ئەفغانستان لە وەڵام نەتەوە یەکگرتگەیل راگەیان کە ئەفغانستان لە مەوقەی جەنگ کەفتیەسە وەر سەختی ئەمنی وەرجە ئەوەگ حکومەتەگەی دەسەڵات بگرێدە دەس و رەوشەگە خاسترەو بوود. وتیش: هیزە ئەمنییەیل لە میرنشین ئیسلامی (ئەفغانستان) پابەندن وە مسۆگەرکردن ئاسایش هاوڵاتیەیل و گردنەوەر ریکارەیل زویوەزوی ئەرا نەهیشتن پەناگەیگ ئارام ئەرا تیرۆریستەیل.